Зошто моќните и успешни жени немаат среќа во љубовта?

Првите неколку состаноци минуваат со смеа, шеги, забава, флерт и заинтересираност, но потоа сè спласнува... Зошто?

Сè поголем е бројот на интелигентни жени кои се наоѓаат на одлични работни позиции, но едновремено не се успешни во љубовните врски.

Кој е проблемот? Зошто овие жени немаат среќа во љубовта?

Експертот за врски Семи Вондер тврди дека проблемот е во „машката енергија“ што ја носат. Ова значи дека сакаат да бидат доминантни и да ги контролираат случувањата на поле љубов, исто како на поле кариера, но во љубовта едноставно не е така.

За да опстане една здрава врска треба да има спој од машка и женска енергија, затоа што овие спротивности се привлекуваат. Инаку, ако не се контролираат овие жени кон себе ќе привлечат само премногу пасивни мажи кои со задоволство цела контрола ќе им ја предадат ним.

Советот на Семи за овие жени е да научат да бидат порелаксирани во љубовта, понекогаш да предадат дел од контролата во туѓи раце и да почекаат некој да им ја отвори вратата.

Да дадат простор во разговорите некој друг да ги импресионира нив, а не тие постојано да импресионираат. Да си дозволат на моменти да го спуштат штитот и да бидат ранливи.

Најважно е да запомнат дека маж не се вљубува во нив затоа што се ѕверки на професионално поле, туку затоа што почувствувал поврзаност со нив.

С. С. | Црнобело / depositphotos.com