Совети за предиграта што ќе го направат сексот уште подобар

Доколку со партнерот ја прескокнувате предиграта, тогаш испуштате многу. И другите активности, покрај вагиналниот секс, можат да пружат неверојатно задоволство. Предиграта може да биде главниот настан во вашите интимни моменти, а може и значително да го подобри сексот.

Доколку не сте сигурни од каде да почнете, погледнете ги овие совети.

Почнете со бакнување

Бакнувањето без сомнение ќе ве возбуди, а неретко е навистина потценето. Можете да го користите бакнувањето и во комбинација и со други нешта, како допирање и вагинален секс.

Некои секс терапевти препорачуваат да пробате колку долго можете да издржите само со бакнување пред да продолжите понатаму.

Користете ги рацете

Не потценувајте ја моќта на допирот. Користењето на рацете може дополнително да го зголеми задоволството во предиграта, а истовремено ќе дознаете кој дел од телото е ерогена зона на партнерот.

Додека го допирате партнерот обрнете внимание на неговите реакции.

Пробајте нови пози

Разните пози не се само за вагиналниот секс, па бидете креативни и применете ги и во предиграта. Некои пози ќе ви овозможат заедно да се допирате, а за некои можете и да се менувате. Експериментирајте со допирите и бакнежите.

Не го заборавајте оралниот секс

Оралниот секс самиот посебе пружи неверојатно задоволство, но можете да го вклучите и во предиграта. Со орален секс без сомнение ќе го возбудите партнерот и ќе го направите сексуалниот однос уште поинтензивен.

Користете лубрикант

Некои парови сакаат лубриканти, а на некои не им се потребни Но според некои експерти, лубрикантот може да го зголеми задоволството. Покрај тоа, денес постојат лубриканти со разни вкусови и мириси што можат да го направат сексот позабавен.

Само бидете внимателно доколу сте склони кон габични инфекции – во тој случај избегнувајте ги слатките лубриканти и оние со многу шеќер.

Експериментирајте со играчки

Како лубрикантите, и секс играчките можат да го зголемат задоволството. Најпознатата играчка е вибраторот, а според некои истражувања, жените кои користат вибратор уживаат многу повеќе во сексот.

Покрај тоа, вибраторите не се само за жени и можете да го користите за да го стимулирате пенисот на партнерот.

„Валкани“ зборови

Доколку сте заедно со партнерот подолго време, не срамете се од валканите зборови. Токму ова може навистина да ве возбуди и двајцата и да го направи сексот многу подобар.

Доколку не знаете од каде да почнете, едноставно кажувајте му на партнерот што сакате да ви прави.

Одете под туш

Бидејќи веќе и двајцата ќе бидете голи, возбудата нема да изостане. Почнете со допири и бакнежи, а кога вистински ќе се возбудите, можете да се преместите во спалната, но и да продолжите под тушот.

Масажа

Масажата е одличен начин да се релаксирате. Со масажата ќе му помогнете на партнерот вистински да се фокусира на задоволството во моментот.

Почнете со нормална масажа, а потоа почнете да го допирате партнерот и на другите делови од телото. За уште поголемо задоволство можете да употребите и некое масло.

Направете ја предиграта главниот настан

Сексот е одличен, но дали сте помислиле предиграта да биде главниот настан? Наместо да брзате да преминете на вагинален секс, направете ја предиграта подолга.

И мажите и жените можат да го достигнат врвот само со предигра, па задоволството ќе биде обострано.

Спирова С. | Црнобело