Зошто после сексот за една ноќ чувствувате осаменост, а не задоволство?

Во денешната прогресивна култура општеството сака да верува дека секс за една ноќ ги чини луѓето самоуверени и задоволни. Сепак, тоа не е секогаш случај.

Многу експерти и терапевти тврдат дека многумина следното утро се будат со чувство на осаменост. Додека се забавувате и пиете алкохол, таквиот однос се чини како добра идеја - забавен е, спонтан и секси.

Сепак, врската што ја чувствувате со партнерот во моментот на занесот брзо ќе исчезне и наскоро ќе бидете принудени да се вратите во реалноста. А, тогаш можете да се покаете.

Причината за ова е што во својата глава мешате секс и интимност. Но наместо да ги исполните вашите потреби, останувате разочарани.

Површно, секс на една ноќ е нешто сосема безопасно - никој нема да биде повреден, бидејќи чинот трае кратко и никој нема да остави никого. Сепак, она што многу луѓе не сакаат да го признаат е дека тие тајно сакаат многу повеќе.

Токму тој копнеж може да предизвика чувство на осаменост, па дури и фрустрација.

Ако и двајцата сте свесни за тоа што се случува и ги имате истите очекувања, ако не се обидувате да ја пополните празнината, вашата совест не ве гризе и не се чувствувате лошо поради она што го правите, најверојатно нема да се покаете.

Сепак, ако чувствувате вознемиреност, тага, осаменост, непријатност, доколку се чувствувате како некој да ве користи, тогаш ова е лоша одлука. Ако сексуалниот однос од таков вид не ви го обезбеди она што го сакате, најдобро е да се држите настрана.

Исто така, корисно е да се има предвид следново - иако стабилните односи носат поголем ризик од повредени чувства, тие носат и поголема награда – чувство на приврзаност и љубов.

Ашера | Црнобело