Најчестите типови на мажи кои се сингл и после 30-тата

Маж кој се откажал

Понекогаш, за некои луѓе љубовта не е приоритет. Мажите почесто се откажуваат од љубовта за разлика од жените, најмногу бидејќи им е страв од одбивање.

Овие мажи се убедени дека додворувањето е бесцелно, па не се ни обидуваат да најдат некој. Истовремено, тие би ја одбиле и жената која очигледно е заинтересирана за нив.

Дете

Постојат и детинести мажи кои се однесуваат неодговорно. Овие мажи изгледаат како да не сакаат партнерка, туку само личност која ќе се грижи за нив.

Ретко која жена би ја прифатила таа улога во врската, па по некое време сигурно ќе го напушти.

Маж кој не сака да си ги повтори грешките

Ова се мажи кои се свесни за грешките со претходните партнерки, па сега им е страв дека ќе ги повторат.

Некои од нив одлучуваат никогаш повеќе да не започнат врска, а некои, пак, само сакаат да направат мала пауза.

Овие мажи се искрени и би биле добри партнери, но само ако успеете да ги убедите да бидат со вас.

Маж кој сака да биде сам

Некои мажи, едноставно, сакаат да бидат сингл, без разлика што другите велат за тоа.

Тие се среќни и задоволни со себе и немаат потреба од друга личност во нивниот живот.

Добар улов

Овие мажи се образовани, изгледаат одлично, имаат добра работа и изгледа како да немаат никакви проблеми. Но, најчесто тие бараат жена што ги поседува истите квалитети како нив.

Проблемот е што додека трагаат по совршеност, животот им минува, па на крај остануваат сами.

Пребирлив

И овие мажи се обидуваат да ја пронајдат совршената партнерка, но ретко кога им оди од рака.

Тие поставуваат превисоки стандарди, што речиси никоја жена не може да ги исполни.

Биолошки часовник

Ова се мажи кои долго време биле сингл, и одеднаш сфатиле дека е време да најдат сериозен партнер.

Неретко се чувствуваат очајно и пробуваат сè за да започнат романтична врска. Проблемот е што ако ја најдат вистинската личност, избрзуваат со предлози за брак, деца и заеднички живот.

Иако намерите им се добри, повеќето жени не сакаат да брзаат со овие одлуки.

Спирова С. | Црнобело