Несигурни мажи

Колку и да се трудите пред светот да одржувате мачо имиџ, во секој маж постои страв дека не ja задоволил, дека сите други мажи се поуспешни и...

 

...подобри љубовници од него. Дури и да е тоа вистина, не смеете да им се предадете на стравовите и малодушноста. Никогаш не е доцна да се претворите во вистински сензуален маж, а за тоа ви е потребно трпение, упорност и интелигенција.

Најголем број мажи се плашат дека ќе потфрлат за време на сексот. За тој неподнослив притисок обично се виновни доминантните и привидно независните жени кои тешко можат да ги задоволат. Многу мажи стануваат несигурни кога жените имаат поголеми барања во партнерските односи.

Тоа се оние жени кои во вас предизвикуваат привлечност, но и страв. Истовремено и се восхитувате и и’ завидувате; се плашите затоа што многу ве привлекува.

Слободно може да се рече: светот е поставен наопаку кога мажот станува сексуален објект. Не вреди што таа ве потсетува на ангел кога како што вели Рилке „ секој ангел е застрашувачки“.

Секое сексуално уживање - повеќе од било што, зависи од вашето расположение. Тајната на добриот секс се крие во однесувањето, истенчените чувства и знаењето.

За добар секс не ви треба добро набилдано тело, а пред се треба да престанете да мислите дека сексуалниот живот на другите мажи се вистинска бајка која вам никогаш нема да ви се случи. Немојте да заборавите на „рибарските приказни“, во кои другите мажи се фалат со своите успеси- кои постојат само во нивната фантазија.

За секс е потребно повеќе од гола техника, момците кои тоа го прават механички сигурно не се среќни. Во секој случај, вашата цел не е да го користите сексот како средство за надминување на сомнежот во сопствената машкост.