Што да правите ако партнерот ве одбива за секс?

Правило број 1 – Без напади и агресија, бидете негов сојузник, прашајте го што го мачи.

Кога интензитетот на сексуалната желба не ви се поклопува со таа на партнерот и немате секс толку често колку што сакате, врската може полека да почне да „умира“.

Се чувствувате запоставено, иритирано и одбиено. А од друга страна пак сексот за вашиот партнер може да почне да му изгледа како обврска, на која вие го наговарате, и да престане да ужива во него.

Како да се справите со оваа ситуација?

Разговарајте со него

Колку и да ви изгледа тешко ова, мора да го сторите. Притоа не треба да биде веднаш откако ќе ве одбие за секс, туку во некој понеутрален момент кога емоциите се посмирени.

Не бидете агресивни, целта не е да направите партнерот да се чувствува лошо, туку да откриете зошто нема желба за секс. Многу често причините можно е да немаат врска со вас.

Почнете го разговорот со позитива, како на пример колку уживате кога сте интимни и останете смирени во текот на целиот разговор.

Променете го начинот на кој иницирате секс

Можеби бирате време за секс кога партнерот е уморен, пробајте промена со тајмингот. Можеби начинот на кој го правите тоа му е одбивен на партнерот бидејќи му изгледа како обврска.

Најдобро е да започнете со бакнежи по вратот и пробување на различни потези за да видите што ќе му се допадне.

Дозволете му тој да иницира секс

Можно е да му е потребен простор. Кажете му дека ќе му го дадете потребното време и нема да притискате. Охрабрете го и подобрете му ја самодовербата за да го направи чекорот.

Ослободете го од притисокот

Притисокот може да ја убие сечија сексуална желба. Стресот што знае дека вие не сте задоволни може уште повеќе да го демотивира.

Ослободете се од сите строги правила за тоа колку често треба да имате секс и не реагирајте бесно кога тој не е заинтересиран.

Клучно е личноста со која сте да се чувствува комфорно понекогаш да каже „не“.

Разберете дека одбивањето на секс не значи дека тој не ве сака

Запомнете дека сексот не е исто што и љубовта и дека партнерот може да ви покаже дека се грижи за вас на многу други начини.

Смислете нови начини на кои како пар можете да си ја изразите љубовта.

Додадете забава во сексот

Направете атмосфера, согласете се да користите некоја секс играчка или да имате секс на некое лудо место. Сексот треба да биде ослободен од тензија и да изгледа како одлична забава.

Подобрете му ја самодовербата

Ниската сексуална желба може да биде резултат на ниската самодоверба. Можеби вашиот партнер не се чувствува атрактивно и мислите околу неговиот изглед го спречуваат да ужива во сексот.

Дадете му некој комплимент и направете да се чувствува убаво и посакувано, тоа е клучно.

Не се плашете да побарате помош

Ако ништо од горенаведеното не функционира, не плашете се да појдете на советник за парови, каде професионалецот ќе дојде до коренот за секусалната траума.

С. С. | Црнобело