Сексуалноста на мажите

Кај мажите годините се показател на развојот – емоционалниот, менталниот и физичкиот. Особините на мажот може да се издвојат и по...

 

...старосни групи кои можат да послужат како клуч за разоткривање на односот кон жените.

Тоа не значи дека на основа на таа типизација можат да се откријат очекувањата на мажите, но берем малку се фрла светлина на структурата на однесувањето на мажите во дадени ситуации и на одредена возраст.

Секако, сè почнува со годините на двоумење – во раните дваесети, кога мажите се наоѓаат во период на транзиција, лесно и страсно се заљубуваат, а уште полесно се одљубуваат.

Тоа е период кога телото сака да открие сè, а умот тежнее кон слобода и независност. Мажот не е созреан за врски и не може да ги изрази своите чувства. Тоа е возраст кога сеуште не сакаат да се откажат од сите згодни девојки кои постојат „само за да ги запознаат“.

Кога ќе се случи првата постојана врска, таа девојка ја поставуваат на пиедестал и за неа се подготвени да сторат баш сè. Тоа е фаза кога мислат дека им се исполниле сите сништа, па тоа и го потврдуваат со своето однесување, кон првата сериозна девојка однесувајќи се како со кралица.

Бидејќи тогаш се наоѓаат во пролетта на својата сексуалност, често се подготвени на сексуални испади. Сексот е начин да ја покажат својата длабока поврзаност со партнерката. Водењето љубов два пати на исто место и на ист начин, на таа возраст, не е прифатливо.

Што се однесува до поврзаноста, на таа возраст, таа се покажува на различни начини: романтична вечера, но и излегувања со машко друштво кое вклучува и носење на девојката.

Со тоа се задоволува потребата да се задоволи уживањето во светот на врсниците, но се потврдува и важноста на мислењето кое пријателите го имаат за девојката која прв пат ја донесле во друштво. Што ќе речат тие за неа е исто така важно колку и тоа што ќе го каже таа за нив.