Малку поинакви заповеди

Како и да се збавувате со некого, па дури и ако само незадолжително излегувате, можете да се најдете во чудни ситуации ситуации. Колку пати...

 

...сте си заминале, или пак сте побегнале од неочекувана или пак глупава расправија, а при тоа да не сте имале престава дека нешто лошо сте сториле?

Што е со оние ситуации во кои сте се истуриле на некого поради некоја ситница, како на пример, промена на планот?

Токму поради тоа добро е да (ако веќе сте во врска) ги познавате љубовните заповеди, кажани и некажани, запишани или усни. Некои се многу логични, некои пак воопшто немаат смисол. Сепак, мора сите да ги знаете.

Немој да флертуваш со моите пријатели. Ова е многу важна заповед. Секој сака неговите пријатели навистина да му се допаднат на дечкото или девојката со кој сте во врска, но без претерување. Сепак, ако некој треба да ве потсети на оваа заповед, немојте ни да помислувате на сериозна врска. Напуштете го теренот и одете си дома. Доволно сте покажале.

Немој да ми кажуваш што треба да правам. Не сте негов/нејзин шеф. Значи, немојте да се залажувате дека можете да шутирате сè околу себе и да им солите памет, особено не на оние со кои што се забавувате.

Немој да ги сакаш моите пријатели повеќе од мене. Дали постои некоја девојка која сака нејзиниот дечко да оди во шопинг со нејзината најдобра пријателка – без неа? На кое момче би му се допаднало неговата девојка да купи уште една карта за утакмица и да му ја понуди на неговиот цимер? Повторуваме, иако сакате сите пријатели во вашиот живот да се сложуваат, немојте да бидете смешни.

Немој да ме потценуваш. Немојте да говорите дека вие сте супер личност, а вашиот партнер – глуп. Немојте да ја потсетувате дека вие сте подобар шофер од неа. Престанете да му кажувате колку пари заработувате затоа што работите во странска фирма. Чувствувате дека сте важни и големи! Другата личност се чувствува ситна, па може и да побеснее. На почетокот на секоја нова врска би требало да постои знак на кој пишува: „Добре дојдовте во врската. Ако не можете да го спакувате своето его под седиштето, оставете го надвор“.

Прашај пред да го изедеш последното парче. Заповед која на ниеден намќор не треба посебно да му се објаснува.