Чиј треба да е првиот чекор?

Тој ја гледа неа. Таа го гледа него. Двајцата се заинтересирани. Кој да го направи првиот чекор? Поточно, кој треба да го направи првиот чекор?

 

Вообичаено е тоа да биде машкото.

Мажите знаат дека тоа е вообичаено и жените знаат дека е тоа вообичаено, па затоа и чекаат. Меѓутоа првиот чекор понекогаш изистанува, а со него и можноста за контакт.

Останува прашањето: дали тој навистина бил заинтересиран? Дали можеби сепак таа требала да му пријде? Дилеми, дилеми...

Има жени на кои им е тешко да поверуваат во тоа дека колку и да се сметаат мажите агресивни и тие можат да бидат несигурни, особено во денешно време кога жените се сè поагресивни и се пробиваат во она што традиционално се сметало за машка работа.

Секако, сè уште има мажи кои не сакаат жената да го направи првиот чекор, сакаат таа да им даде сигнал дека е заинтересирана, но сепак да се знае дека тие го водат главниот збор.

Сепак сè повеќе има мажи кои сакаат жената да биде таа што ќе им пријде, дури и ако не се навикнати на такво нешто. Дури и кога е вообичаено тие да се оние кои први приоѓаат, може да им се допадне промената.

Може да им се допадне тоа што жената знае што сака и не се срами тоа и да го побара. На крајот од краиштата, ако не се заинтересирани, можат и да одбијат.

Всушност, правило е дека нема правило. Генерално зависи од тоа каков партер/партнерка сакате.

Доколку сакате да доминирате во врската или д асте рамноправни со партнерот/партнерката, нема причина да не го направите првиот чекор (било да сте машко или женско).

Ако личноста на која сте и пришле е непријатно изненадена со вашата постапка  -  веднаш ќе знаете дали е таа личност за вас.

Доколку сте некој кој сака да биде под влијание на доминантна личност, ако ви е полесно „да не го водите главниот збор“, тогаш сигурно е подобро вие да не го правите првиот чекор - подобро е само да изразите заинтересираност и да почекате да ви пријдат (ова важи за двата пола).