Како влијае љубовта?

Досега сигурно сте чуле дека љубовта, покрај тоа што е убава, по многу нешта е и корисна. Не мислиме овде на брак од корист – тука нема љубов...

...тоа е само практичен деловен однос – мислиме буквално на корист која ви ја донесува љубовта, без разлика дали сте венчани или не.

На што мислиме? Воопштено, љубовта е многу корисна за вашиот изглед и здравје. Кои се конкретните користи од љубовта?

Исполнет љубовен живот, научно е докажано, го штити вашето здравје бидејќи ви го зајакнува имунитетот. Тоа значи дека поретко ќе заболувате од не толку опасни но секако досадни заболувања како што се кивавица, грип или слично.

Покрај тоа, кога сте среќни во љубовта и системот за варење подобро ви работи, односно стомачните проблеми се поретки. Поради зајакнатиот имунолошки систем и разните други болести поретко ќе ви прават проблем.

Ова секако не значи дека не треба да обрнувате внимание на здравјето, но кога сте среќни во љубовта, помали се шансите бактериите да го совладаат вашиот одбрамбен механизам.

Истото важи впрочем и за секој облик на среќа – среќните луѓе се поздрави луѓе.

Се смета дека љубовта го отстранува стресот, но нам ни се чини дека тоа не е баш многу прецизна формулација. Стресот и стресните ситуации ќе постојат во вашиот живот и ако сте среќни во љубовта, само што вашата реакција ќе биде поинаква  - стресните ситуации помалку ќе ве засегаат.

Жените имаат и посебни користи, специфично женски, од љубовта – среќата во љубовта ги ублажува или дури и ги отстранува менструалните проблеми.

Жената среќна во љубовта ќе биде поопуштена, да не зборуваме за хормоните на среќа кои „шетаат“ во нејзиниот организам, така што и отпорноста на болка ќе и биде поголема, а  поради опуштеноста и причини за болка ќе има помалку.

Уште една корист за жените – поради зголемената продукција на естрогени и прогестерон, женските полови хормони, кожата ќе биде подобро снабдена со крв, тенот ќе биде посвеж, а кожата позатегната.

Заљубени ли сте и вие? Како вам ви влијае љубовта? Слободно кажете ни во коментарите.