6 причини зошто некогаш мажите не можат да доживеат оргазам при сексот

Зошто тој не може да постигне оргазам? Дали вие правите нешто погрешно? Дали проблемот е физички или психички?

Машкиот оргазам се смета за брз процес за кој не е потребна некоја специјална техника.

Но, се случува понекогаш сексот да трае многу долго и мажот да не може да го доживее врвот.

Неколку причини зошто се случува ова:

Мажот е навикнат да доживува оргазам со мастурбација

Ова се случува кога мажот долго време немал партнерка или пак поради бременост или одредена причина извесен период немал секс со својата партнерка, па се навикнал на самозадоволување. Навикнат е сѐ да прави сам во рок од само неколку минути и знае точно кое движење и стисок му се потребни, па му изгледа дека вие сѐ правите погрешно.

Гледа премногу порно филмови

Овде станува збор за ментален проблем, а не физички. Порно актерките за него поставиле нереални очекувања за тоа како треба да изгледа женското тело и сексуалниот чин, па илјадниците ноќи минати во гледање порно филмови може негативно да влијаат на него, односно тој да не може да го достигне врвот со „просечноста“ на сексот од реалноста.

Порно филмовите не се лоши и поголемиот дел од луѓето ги гледаат без негативни последици, ова се случува само во екстремни случаи.

Мажот прима лекарства кои влијаат на неговото доживување на оргазам

Ако мажот долго време зема антидепресиви, апчиња за висок крвен притисок и одредени диуретици можно е да има негативни последици врз сексуалниот живот. Ако се случи ова, мажот треба да се консултира со доктор за барање на алтернативни лекарства.

Мажот пие премногу алкохол пред секс

Алкохолот влијае на способноста за доживување на оргазам. Чаша вино е добредојдена, но премногу алкохол може да ја уништи ноќта.

Инфекција или некаква друга здравствена состојба

Инфекција на простата или инфекција на уринарниот тракт може да бидат причини за тоа мажот да не може да постигне оргазам. Потешкотии може да се случуваат и при оштетување на нервите, невролошки пореметувања, срцеви заболувања и хормонски дисбаланс.

Ако сметате дека е нешто здравствено, тогаш задолжителна е консултација со доктор.

Мажот нема самодоверба

Анксиозноста, ниската самодоверба, недовербата со партнерот и стравот од тоа дека некои работи ги прави погрешно може да доведат до тоа партнерот да не успее да го достигне врвот. Потребно е време, трпение и поддршка.

С. С. | Црнобело / Фото: depositphotos.com