Зашто мажите лажат?

Постојано зборуваме дека мажите и жените се разликуваат. При тоа не се мисли само на евидентната разлика која ја има помеѓу нозете. Станува збор...

...за сосема различни полови, што би рекол Џек Лемон во Вајлдеровиот филм „Некои тоа го сакаат жешко“. 

Кога таа разлика веќе толку се забележува, тогаш треба да се каже дека мажите и жените се разликуваат и кога е во прашање лажењето. Значи и тука не се исти.

Дали мажите лажат повеќе од жените?

Можно е. Некои истражувања истакнале дека еден маж во просек изговара 220 лаги на ден, додека една просечна жена истата работа ја прави „само“ 180 пати. Бројките можат да бидат интересни за анализа, но тие сепак не даваат прецизен одговор на прашањето зошто мажите лажат повеќе од жените.

Не е лесно да се објасни зошто посилниот пол сака да излаже, дури и во оние прилики кога воопшто не треба да се излаже.

Ако работите се поедностават, може да се каже дека мажите лажат поради две причини: од една страна тие на тој начин се трудат да ја сочуваат илузијата за себе како за слободен човек, а од друга страна, причината зошто лажат е стравот од тоа што жените не можат да го разберат машкиот начин на размислување, па тоа доведува до смислување на најразлични лаги.

Покрај тие две категории, треба да се спомне и најкритичната категорија – таканаречен имитатор, поинаку речено – слабак кој сонува дека е некој друг и се преставува во лажно светло.

Оваа категорија е за нијанса полоша од онаа во која се наоѓаат лажговците кои своите приказни ги измислуваат во зависност од ситуацијата. Тоа по правило се силни личности, многу сигурни во себе – тие лажат од забава и од желба да побегнат од секојдневното сивило.

Проблемот е само во изреката, која порано или подоцна ќе излезе на виделина: „На лагата и се кратки нозете“.