„Се чувствувам виновна затоа што мојот партнер е речиси на иста возраст со син ми - јас имам 47, а тој 26 години“

„Се состанувам со прекрасен млад маж. Тој е забавен, изгледа одлично и ме прави среќна, но кога сум со него се чувствувам виновна затоа што е речиси на иста возраст со син ми. Не сакав да се состанувам со толку помлад маж, но со него некако кликнавме. Се запознавме ненадејно и се вљубивме. Јас имам 47 години, а тој 26...“

Жена на возраст од 47 години се обраќа до магазинот „TheSun“ со проблемот кој го има поради грижата на совест што нејзиното момче е многу помладо од неа.

Нејзината исповед гласи:

„Се состанувам со прекрасен млад маж. Тој е забавен, изгледа одлично и ме прави среќна, но кога сум со него се чувствувам виновна затоа што е речиси на иста возраст со син ми.
Не сакав да се состанувам со толку помлад маж, но со него некако кликнавме. Се запознавме ненадејно и се вљубивме.
Јас имам 47 години, а тој 26.

Бев изненадена што маж на негови години би сакал да се состанува со мене, но една пријателка ме убеди да уживам затоа што животот е еден.
Излегувавме, разговорите ни се одвиваа со леснотија. Посебен е, од самиот старт знаев дека сакам да го видам повторно.
Оттогаш сме заедно и иако сме во различни фази од животот дружбата со него ми е една од најубавите работи. Ова ми е врска со најмалку стрес досега.

Морам дури да се штипнам за да си поверувам дека е вистина. Како да е премногу добро за да биде реално. Сексуалниот живот ни е одличен и самодовербата никогаш не ми била на повисоко ниво. Тој неретко коментира дека жените на негова возраст се несигурни.

Но, понекогаш токму по сексот ме мачи најголемо чувство на вина и главната причина е што јас сум мајка на 24-годишник. Мојот син е речиси на иста возраст како мојот партнер и тоа ми изгледа погрешно.
Не знам како ќе се одвива нашата врска во иднина, но навистина не можам да спијам, што ако дознае син ми, како да му објаснам...? Не сакам да ми се налути, а од друга страна не сакам да раскинам затоа што ми е прекрасно.“

Советот од психологот во магазинот „TheSun“:

„Не правиш ништо погрешно. Ако уживате заедно и притоа не повредувате никого зошто да не бидете заедно?
Најдобро е што поскоро да му кажеш на син ти, дури и да му е чудно на почетокот - ќе прифати, сигурно и тој сака да бидеш среќна.

Со текот на времето ќе се навикне на ситуацијата, па дури и да има нешто против не е страшно, најважно е да бидеш добра мајка, а тоа што на страна од секојдневните обврски и тебе ти е потребна забава и релаксација е сосема во ред.“

Што мислите вие за оваа ситуација? Би се согласиле со советот од психологот на магазинот „TheSun“?

С. С. | Црнобело