8 најголеми разлики помеѓу сексот со љубов и оној „без обврски“ (18+)

Во идеален свет, љубовта и сексот одат рака под рака. Но, не секогаш може да ги имаме и двете и воедно, треба да бидеме свесни за разликите помеѓу сексот зачинет со љубов и оној кој не вклучува никакви чувства и обврски.

Кои се најголеми разлики помеѓу сексот со љубов и оној без љубов?

1. После „обичниот“ секс само ќе си ја соберете облеката и ќе си заминете без размислување.

Доколку сексот вклучува љубов, ќе сакате да останете и да се галите со партнерот: размената на нежности после секс ѝ припаѓа на љубовта.

2. Доколку се работи за љубов, тогаш можете да бидете она што навистина сте, без глума и кочници; со обичен секс немате никогаш потреба да бидете целосно отворени. Пред личноста што ја сакаме и почитуваме немаме тајни и не чувствуваме срам.

3. Во страсната сексуална врска се разочарувате кога сите ваши најекстремни желби не се исполнети.

За овие работи воопшто не ви е грижа кога се работи за вистинска љубов, бидејќи таа е секогаш убава. Доколку сте вљубени, прво копнеете за интимност, а дури потоа се грижите за остварување на некакви желби.

4. „Чистиот“ секс е себичен, љубовта не е: чистата телесна страст честопати служи како средство за постигнување на некаква цел. 

Со љубовта е поинаку – обрнувате внимание на чувствата на другиот до вас и не ви е сеедно доколку другата личност не ја достигне кулминацијата за време на сексот. Во сексот без љубов најчесто не ви е гајле, сè додека вие сте задоволени.

5. Со љубовта имате потреба да кроите заеднички планови; во обичниот секс без љубов и инволвираност се работи за победа: на љубовта не ѝ треба конкуренција и не е неопходно да се подгрева егото во форма на освоени чувства.

6. Љубовта ве инспирира; чистиот секс само уште повеќе ве огладнува. Запомнете – големите љубовни дела и песни ширум светот не се создадени после сексот за една ноќ.

7. Чистата страст е краткотрајна; сексот зачинет со вистинска љубов надживува сè. По страсните авантури едноставно си продолжувате понатаму со животот.

Откако ќе доживеете искрена љубов, го споредувате вашиот следен партнер со тоа уникатно чувство долго време откако сте го доживеале и не се задоволувате со ништо помалку.

8. Сексот го гледате само како вежба; љубовта не. Кога се среќавате со вашиот сегашен сексуален партнер, тоа го гледате како вежба за следниот, подобар од него. Во љубовта мислите само на вашиот сегашен партнер – и се гледате со него во иднина.

(О)Милена | Црнобело