Искрени брачни совети за луѓето кои допрва ќе стапат во брак

„Искрите доаѓаат и си одат, но вистинското пријателство трае. Ако партнерот не е твојот најдобар пријател, или барем еден од најдобрите пријатели, тогаш нема да траете во брак.“

Луѓе кои се во брак за BuzzFeed споделуваат искрени брачни совети за луѓето кои допрва треба да стапат во брак.

Се согласувате ли со нив?

„Запомнете дека вие си ветувате дека ќе останете заедно, а не си ветувате дека ќе останете истите луѓе. Прифатете ги промените што ви следуваат, нормално е за 10 години од сега двајцата да не бидете истите луѓе. Магично е да растете заедно.“

„Третирај го твојот партнер подобро отколку што ги третираш странците. Имам пријатели кои се културни кон луѓето од услужната дејност и познаниците, но забораваат на манирите во односот на партнерот. Заблагодари му се, кажи му дека го цениш и запомни ако тој е најважната личност во твојот живот и така и треба да го третираш.“

„Ќе постојат мигови кога ќе сакате да се убиете еден со друг, но ќе пронајдете заеднички јазик и ќе продолжите понатаму. Не си останувајте лути еден на друг за нешто што најверојатно не е важна работа во големата слика.“

„Пред да стапиш во брак оди на патувања со него, гледај како вози, дали сака само хотели со 5 ѕвезди, дали е агресивен кон луѓето од услужната дејност или другите учесници во сообраќајот... Сето тоа многу ќе ти значи во животот. Провери дали е флексибилен – клучно е.“

„Не се мажи во фазата на меден месец од врската. Почекај додека да заврши, барем 2,3 години за да го видиш партнерот среќен, тажен, лут и да знаеш дали ти одговара на долги патеки.“

„Не се мажи за личноста со која се согласуваш добро, омажи се за личноста со која се караш добро. Лесно е да пронајдеш луѓе со кои ќе минуваш убави мигови, тешко е да најдеш личност со која стилот на карање ќе биде компатибилен на твојот и така ќе успеете да траете долго.“

„Не влегувај во брак со мислата дека ќе успееш да го промениш. Мора да веруваш дека тоа е личност со која сакаш да го поминеш целиот живот. Во сето добро и лошо да бидете до крајот на животот.“

„Искрите доаѓаат и си одат, но вистинското пријателство трае. Ако партнерот не е твојот најдобар пријател, или барем еден од најдобрите пријатели, тогаш нема да траете во брак.“

С. С. | Црнобело