Како да им пријдете?

Сите сме слушнале дека ако сакате некој да повикате да излезе со вас (партнер/партнерка) порано, или подоцна ќе мора да соберете храброст и да го сторите тоа. Па...не е лесно!

Еве неколку помалку вообичаени начини како да го сторите тоа. Можеби ќе ви се видат корисни и ќе ви успеат.

Во кафуле или некој ресторан сте виделе некого и ви делува интересно. Не носи бурма, не делува како да е во врска.

Употребете ја хартиената подлога од чашата/шољата, салфетка или некое ообичо парче хартија и напишете: „Дали би излегол/излегла со емне следната недела?“, или нешто во тој стил, додајте како опциии да и не, со квадратче кое треба да се штиклира и проследете ја пораката со пенкалото.

Ви делува детски и глупаво? Кај помладите може да има успех...па нека е и поради самиот пристап, може да бидете одбиени, но барем тоа нема да биде изговорено.

Следниот предлог може да „пали“ ако се работи за личност која малку ја познавате, да речеме, другар на другар, а излезе дека сте заедно, на исто место (некоја прослава, заедничко излегување...).

Раскажете некоја интересна анегдота, но само до половина и речете дека продолжетокот следи следната недела кога ќе излезе со вас.

Или, кажете дека имате две интересни приказни, раскажете ја едната, а другата ќе ја раскажете следниот пат...кога ќе излезете заедно.

Некогаш ова „пали“ па дури и ако приказната не е многу интересна, туку поради начинот на кој сте се потрудиле да ја заинтересирате личноста со која сакате да излезете.