Постојат 3 видови оргазам кај жените - како се разликуваат и можете ли да ги постигнете сите? (18+)

Истражување покажало дека во зависност од начинот на којшто се стегаат и опуштаат карличните мускули, жените можат да доживеат три вида оргазам - вулкан, лавина или бран. 

Според истражување од Универзитетот Чарлс во Прага, жените доживуваат три вида оргазам - бран, вулкан и лавина. 

Водечкиот истражувач на оваа студија, професорот Џејмс Фаус, сподели дека имињата се однесуваат на стегањето и опуштањето на карличните мускули пред и за време на оргазмот.

Во истражувањето учествувале 54 жени кои користеле вибратор поврзан со Bluetooth, со чија помош се детектира стегањето и опуштањето на карличните мускули.

Истражувачите откриле дека „бран“ оргазмите се најчести, при што 26 од 54 жени го доживеале овој тип, додека 17 имале „лавина“ и 11 имале „вулкан“ оргазам.

Бран: Најчестиот вид оргазам што го доживуваат жените. Ова е оргазам карактеризиран со кратко, наизменично стегање и опуштање на карличните мускули, односно со „бранови“ на стегање и опуштање.

Вулкан: Во овој случај најпрво има стегање, или тензија на карличните мускули, која за време на оргазмот „експлодира“ (како вулкан) во брзо, наизменично стегање и опуштање на мускулите.

Лавина: Во овој случај се јавува тензија, или стегање на мускулите во карлицата со поголем интензитет, кои почнуваат да се опуштат додека трае оргазмот. За разлика од останатите типови, овде нема наизменично стегање и опуштање. 

Кој оргазам е најдобар и можете ли да ги постигнете сите три?

Мускулите во долниот дел од карлицата се клучни за секој од трите оргазми.

Во оваа област наоѓаат неколку мускули и лигаменти кои ги држат карличните органи. Овие мускули имаат и главна улога во сексуалното задоволство и оргазмите.

Пред да доживеете оргазам, овие мускули се стегаат, а кога почнува оргазмот се опуштаат.

Важно е да знаете дека нема најдобар тип на оргазам и секој од трите типа може да има различен интензитет, и тоа во зависност од јачината на вашите карлични мускули. 

Бран: Ова е најчестиот оргазам кај жените и обично не треба да имате многу силни карлични мускули да го искусите. Всушност, ако не сте многу физички активни, најверојатно имате вакви оргазми.

Лавина: За овој оргазам потребни се посилни карлични мускули. Што значи, ако вежбате, но и ако сте под многу стрес кој создава тензија во оваа област, поголема е веројатноста да доживеете ваков оргазам.

Вулкан: За овој оргазам потребни се уште посилни карлични мускули, бидејќи нема наизменично стегање и опуштање на мускулите како во останатите два типа. Наместо тоа, мускулите се стегнати подолг период, па само се опуштаат додека трае оргазмот.

Експертите советуваат да не се фокусирате на типовите оргазам, туку на јачината на карличните мускули бидејќи тие го диктираат интензитетот.

Доволно е да ги правите таканаречените Кегелови вежби за да почнете да чувствувате поголемо сексуално задоволство.

M. Г. | Црнобело