„Мислев дека си ти“: Луѓе ги споделуваат најглупавите и најсмешните изговори за неверство

„Бившиот партнер ме погледна во очи и ми рече: Знаев дека ќе те повредам, ама не мислев дека ќе те повредам толку многу“.

Неверството е нешто што малкумина би го простиле бидејќи со овој чин, партнерот целосно ја изневерува довербата на другиот партнер.

Откако ќе бидат фатени, некои неверни партнери навистина се каат и пробуваат да ја спасат врската, но постојат и оние кои ги измислуваат најглупавите изговори.

Неколку вакви смешни и глупави изговори споделени на Редит:

„Ми беше роденден и многу сакав“.

„Кога открив дека бившата девојка ме изневерува, ми рече: Сам си виновен, ми пребаруваше во телефонот“.

„Еден пријател буквално ја фати сопругата додека имаше секс со друг маж, и таа му рече дека мислела дека мажот е всушност нејзиниот сопруг. И, погодете што – уште се заедно!“

„Светлото беше исклучено. Не можев да гледам“.

„По 21 година брак и две деца, сопругата ми призна дека ме изневерила, а нејзиниот изговор беше: Му ја вратив душата и открив дека сме сродни души изминатите илјадници животи и идните илјадници животи“.

„Само што ставив крај на 8-месечна врска. Бившата призна дека спиела со поранешното момче додека бев на гости кај родителите во друга држава. Нејзиниот изговор беше: Сакав да видам дали ме сакаш доволно за да останеш со мене откако ќе те изневерам“.

„Бившиот партнер само ми рече: Ми беше смешно што не знаеше“.

„Бившиот партнер ме погледна во очи и ми рече: Знаев дека ќе те повредам, ама не мислев дека ќе те повредам толку многу“.

„Изјавата на мојот бивш партнер: Мислев дека сте пријателки“.

„Беше премногу добар. Ти направив услуга“.

„Цело време мислев на тебе“.

„Алкохолот е виновен, не јас“.

Спирова С. | Црнобело