6 трикови за поинтензивен и незаборавен женски оргазам (18+)

Секое тело е различно, па така некои жени успеваат да доживеат поинтензивни оргазми, а некои не. Сепак, постојат неколку трикови што може да ви помогнат следното искуство во сексот да биде поинтензивно и партнерката да доживее оргазам што долго ќе го памети.

Во подолгиот текст објавен на Popsugar, неколку секс експерти и девојки ги споделуваат нивните искуства за тоа што е она што ним им помогнало да стигнат до поинтензивен оргазам.

Овие 6 трикови можете да ги искористите или пак да ги приспособите на сопствените потреби:

1. Продолжете со односот и по првиот оргазам – иако жените по првиот оргазам се чувствителни, секој нареден оргазам може да биде поинтензивен од претходниот.

Телото веќе е доволно загреано и само продолжувате понатаму и е многу полесно да стигнете до поинтензивен оргазам отколку да почнувате од почеток.

2. Редовна мастурбација – на жените им овозможува подобро да го запознаат сопственото тело и да знаат што е она што им се допаѓа па полесно ќе му објаснат на партнерот што треба да направи за да ги доведе до врвот.

3. Затворете ги очите – на тој начин ќе се фокусирате само на сопственото тело и ќе ги исклучите надворешните влијанија. Тоа ќе направи сексуалниот чин да биде поинтензивен.

4. Одложувајте ги оргазмите – Во основа тоа значи да стигнете до оној момент кога сте на чекор до оргазам и да престанете. Некои жени забележале дека кога ги одложуваат оргазмите моментот кога ќе стигнат до врвот е поинтензивен и незаборавен.

5. Дишете длабоко – Наместо да го задржувате здивот, обидете се да дишете длабоко исто како што би го правеле тоа за време на час по јога или пилатес.

6. Секс играчки – Некои девојки забележале дека употребата на вибратор или секс играчки им помага да успеат да стигнат до поинтензивен оргазам.

Б. С. Б. | Црнобело