ZARA фустанот кој е хит оваа сезона – за 1.600 денари ќе бидете како (лажна) сопруга на мафијаш

Фустанот беше распродаден само за неколку денови во Шпанија, а кај нас треба да стигне наскоро и ќе се продава по цена од околу 1.590 денари.

Иако многумина може да си помислат дека Mob Wife естетиката е нешто што може да се носи само во зима, затоа што вклучува бунди, вистината е дека тој може да се примени и во текот на летните денови, а примарни парчиња ќе бидат оние со животински принтови.

Mob Wife беше вистински тренд оваа зима низ целиот свет, па голем број познати дами и инфлуенсерки се облекуваа како „лажни сопруги на мафијаши“.

Mob Wife во зима

Доволно е само да ja искомбинирате облеката со накит и соодветни чевли и ќе бидете ултра модерни.

Со оглед на тоа што модниот стил беше многу популарен минатата зина, воопшто не зачудува тоа што ZARA во новата колекција нуди повеќе парчиња со животински дезени: од чевли, до костими за капење, но се чини дека најпопуларен е долгиот фустан со едноставен крој и набрано деколте.

Овој фустан совршено ќе се вклопи и во дневните и во вечерните комбинации, a во Шпанија беше распродаден само неколку дена откако беше објавен за продажба.

По првичниот успех со овој модел, брендот понуди уште неколку модели со истиот принт. Така може да се одлучите за пократок фустан со истиот дезен, или пак за фустан без прерамки.

Прочитајте и Сите се облекуваме како (лажни) сопруги на мафијаши – Македонките во модниот стил што го освои светот

Б. С. Б. | Црнобело