Три (шарени) дезени што ќе ја одбележат оваа пролет, а не се цветни

Кои дезени ќе бидат апсолутен хит оваа пролет? Со какви парчиња облека да се подновите и да го освежите вашиот гардеробер оваа сезона?

Оваа пролет ќе биде вистинско уживање за вљубениците во модата кои сакаат да носат квалитетни парчиња изработени со принтови и дезени.

За разлика од минатите години, оваа сезона класичните цветни принтови нема да бидат толку многу во мода, а им оставаат простор на 3 други класични дезени, што ќе бидат апсолутен хит и ќе ги гледаме насекаде.

Ако веќе се подготвувате да го подновите вашиот гардеробер со нови сезонски парчиња, имајте ги предвид овие дезени:

Животински принт

Оваа пролет во тренд ќе биде т.н. леопард принт, но и дезените на зебра и змиска кожа. Така што добро би било доколку можете да вклучите и некои такви парчиња во вашата облека.

Овошен принт

Оваа пролет исто така ќе бидат популарни и овошните дезени, така што можете да изберете маички или друга облека со јаготки и цреши.

Фустаните со вакви дезени ќе одговараат подеднакво добро и за летните комбинации.

Вертикални пруги

Уште еден апсолутен хит оваа пролет ќе бидат вертикалните пруги. Можете да изберете монохроматски парчиња со две бои, или пак шарени парчиња во боите на виножито. Изборот е ваш.

Б. С. Б. | Црнобело