8 начини за визуелно да го скриете стомакот (и да се чувствувате посамоуверено)

Кажете им „не“ на тесните фармерки, а прифатете го облекувањето во слоеви... Како да го скриете стомакот и да се чувствувате посамоуверено?

Стомакот е најверојатно оној дел од телото кој најлесно се дебелее, а најтешко можете да го „ослабете“.

Колку и да вежбате, понекогаш, едноставно, не можете да се ослободите од масните наслаги околу половината или од „пивското“ стомаче.

Па, ако стомакот ви е најпроблематичниот дел од телото, постојат неколку трикови со кои можете да го „скриете“ и да не паѓа прв во очи.

Што треба да направите?

Свртете го фокусот кон нозете

Многу ефикасен начин да го скриете големиот стомак е да го свртите фокусот кон нозете.

Наместо фармерки изберете фустани со А-крој, кој нема да ја нагласува многу вашата силуета и визуелно ќе го скрие стомакот.

Носете миди модел или долг фустан кој ќе биде од проѕирен материјал во долниот дел.

Облека во една боја

Кога имате голем стомак, многу лесно ќе го скриете визуелно ако носите облека во една боја.

Без оглед дали е тоа фустан или панталони со блуза или кошула, секогаш изберете парчиња во истата боја.

Широко палто

За каква комбинација и да се решите, стомакот најлесно ќе го „камуфлирате“ ако облечете широко палто без копчиња врз гардеробата.

Ова ќе го тргне фокусот од вашата половина (и стомакот). Наместо палто, можете преку облеката да ставите широка марама.

Извадете ја кошулата од фармерките

Најголемата грешка што можете да ја направите ако имате стомаче, е да ја ставите кошулата (или блузата) во фармерките, односно во панталоните.

Подобра опција е да ја носите врз нив, да паѓа слободно.

Продолжува на следната страница...