Сите модни изданија на Кејт Мидлтон на Вимблдон, откако се омажи за Вилијам (фото)

По дилемата дали Кејт Мидлтон ќе присуствува на годинешниот Вимблдон поради борбата со ракот, принцезата од Велс се појави на трибините и ја остави публиката без здив во виолетовиот фустан. Што носеше принцезата претходните години?

Откако се омажи за принцот Вилијам, Кејт Мидлтон секоја година ги гледа натпреварите на Вимблдон, а последниве години ги врачува и трофеите во машкото финале.

Исклучок не беше ни оваа година, иако „до последно“ многумина се прашуваа дали Кејт ќе се појави на Вимблдон, поради борбата со ракот.

Но, таа се појави со ќерка си Шарлот и сестра ѝ Пипа Мидлтон, а ги воодушеви сите со својот изглед, во виолетов фустан кој одлично ѝ прилегаше.

Модните критичари велат дека Кејт никогаш не направила модна грешка на Вимблдон и дека секоја наредна година се надминува себеси, барем при изборот на гардеробата.

Погледнете ги најдобрите модни изданија на Кејт Мидлтон на Вимблдон низ годините:

Во 2011 година Кејт носеше фустан од Temper London Moriah без ракави.

Следната 2012 година, Кејт се појави на Вимблдон двапати. Првиот пат избра плетен фустан од Alexander McQueen во морнарски стил.

Вториот фустан беше од брендот Joseph Vanessa, комбиниран со палто од твид.

Во 2013-та Кејт не се појави на Вимблдон, но се врати следната година двапати.

Таа прво носеше бел фустан од Zimmerman, а потоа сино-зелен фустан со геометриски фигури.

Во 2015 година Кејт избра впечатлив црвен фустан од L. K. Bennet, кој беше вистинско освежување по неколкуте бели и беж изданија на принцезата.

Продолжува на следната страница...