6 модни совети за оваа есен – ќе изгледате стилски и кога е врнежливо

Наместо јакна, облечете елегантен мантил за дожд, а минималистичките комбинации дополнете ги со капче со животински принт.

Поради променливото време кое доаѓа со есента, немаме многу голема слобода при изборот на облека како во лето.

Сепак, некои парчиња и детали ќе ви помогнат да се истакнете, дури и на врнежливо време.

6 модни совети за оваа есен:

Елегантен мантил за дожд

И наједноставната комбинација може да изгледа многу подобро ако додадете елегантен и долг мантил за дожд.

Облека со „весели“ бои

Иако наесен повеќето преферираат неутрални нијанси, многу добро можат да изгледаат и повпечатливите бои.

Со облачното време, светлите бои ќе создадат одличен контраст, особено за Инстаграм фотки.

Тексас

Фармерките, како и здолништата и јакните од тексас веќе се класика и изгледаат добро во секоја сезона.

Мокасини со голем ѓон или кратки чизмички

Мокасините со голем ѓон се тренди и оваа есен, а одлично ги надополнуваат есенските комбинации.

Истото важи и за кратките чизмички кои се совршени за дождливо време.

Кожна јакна во комбинација со здолниште или фустан

Кожните јакни (и мантили) се идеални за есенските денови, а ако сакате повпечатлива комбинација, носете ги со здолништа и фустани.

Капа со животински принт

Животинските принтови не излегуваат од мода.

А, капите со животински принт се одличен додаток за минималистичките есенски комбинации.

Спирова С. | Црнобело