7 парчиња облека кои секогаш делуваат луксузно и скапо, според стилисти на богати

Елегантно сако и пар класични чевли – кои парчиња облека им се омилени на богатите и одлично се вклопуваат во трендот „тивок луксуз“?

Не можеме сите да си дозволиме личен стилист и скапа дизајнерка облека.

Но, со паметно купување и комбинирање, можете да изгледате луксузно и скапо без да потрошите цело богатство.

Стилисти откриваат кои се омилените парчиња на богатите со кои ќе изгледате добро, дури и ако ги купите по ниска цена:

Елегантно сако

Сакоата никогаш не излегуваат од мода, а можат да ја подобрат секоја комбинација.

Добри се за вечерни излегувања, но и за полежерни комбинации со фармерки и патики.

Идеално би било ако можете да си сошиете сако.

Доколку не сте во можност, тогаш однесете ги сакоата на шивач за да ги преправат според ваша големина – според стилистите, ова е тајната зошто сите славни изгледаат беспрекорно во нивната облека.

Кожени парчиња

Кожните парчиња ѝ даваат доза луксуз на секоја комбинација, само важно е да не претерате.

Во секоја комбинација, доволно ви е едно кожено парче, без разлика дали панталони, мантил, јакна, здолниште…

Класични чевли

Секој треба да има еден пар класични чевли – и мажите и жените.

Кај мажите, класичните чевли се идеални за деловни и поформални комбинации, додека кај жените класичните штикли се идеални за вечерни излегување и важни настани.

Најдобро е да се во црна боја, за лесно да ги комбинирате со сè.

Монохроматски комбинации

Кога се двоумите што да носите, нема да погрешите со монохроматска комбинација.

Овие аутфити секогаш изгледаат луксузно, а се доволно суптилни за да не делувате нападно.

Мала чанта

Минијатурните чанти не се секогаш практични.

Но, кога целта ви е да изгледате елегантно и луксузно, можат да бидат одличен избор.

Џемпер од кашмир

Вреди да купите барем еден џемпер од кашмир бидејќи не само што изгледаат луксузно, туку топлат и траат многу долго.

Квалитетниот џемпер од кашмир одлично се вкопува во трендот познат како „тивок луксуз“.

Уникатен накит

Не секој може да си дозволи накит направен по нарачка.

Но, ако сакате да изгледате скапо и впечатливо, избегнувајте да следите минливи трендови.

Кога купувате накит, избирајте уникатни парчиња кои не се многу нападни, а кои прават разлика во целиот изглед.

Спирова С. | Црнобело