Црвениот кармин заведува, неутралните усни личат на колачи

Рубин црвената, нежно розовата, сјајната... боја на кармин зборува за вас, а мажите трошат десет секунди набљудувајќи ги усните на жените штом ќе ја здогледаат.

Пред да се одлучат жените за одредена нијанса, треба да знаат каква порака им праќаат на мажите со бојата на карминот.

Црвена

Огнено црвените усни „зборуваат“ – сакам да сум во центарот на вниманието. Иако жената ќе биде забележана во друштвото со изборот на ваков кармин, мажите се малку скептични при бакнување на вакви усни – бидејќи се плашат од последиците. Црвениот кармин остава траги на кожата.

Розова

За разлика од црвената боја, розовата не е така заводлива. Оваа боја е панкерска, рокерска и авантуристичка и ја опишува девојката како некој кој не се плаши да биде поинаков од другите. На мажите им порачува дека таа слуша интересна музика и дека не е само „обична“ девојка.

Боја на слива

Девојката која ја одбрала оваа боја не се плаши да ризикува. Темно виолетовите усни на мажите им откриваат провокативна личност која сака да ги следи трендовите.

Беж

Дамите кои што носат неутрални тонови на усните делуваат студено, а мажите не ја преферираат оваа боја. Усните делуваат безлично и не се секси, а сјајот преку оваа боја ги потсетува на колач со глазура.

Светло портокалова

Усните со портокалова боја им порачува на мажите дека зад таа нијанса се крие духовита и забавна девојка. Портокаловата боја на кармин открива самоуверена девојка.

Ултра сјајни усни

Ултра сјајните усни им прилегаат на младите девојки. Ако преку карминот девојките стават и златен сјај ќе делуваат несериозно. За сјајни усни најдобро е да употребат безбоен сјај.