5 бои кои ќе доминираат во 2026-та (и 5 кои ќе ги гледаме поретко на модната сцена)

Топлите кафеави нијанси ја заменуваат студената сива, додека пастелната розова е новиот хит и го зазема местото на пудра розовата.

Кога е во прашање бојата на облеката, секој треба да носи она што смета дека му стои добро и она што прави да се чувствува убаво и удобно.

Но, ако сакате да сте во тренд, веројатно ве интересира кои нијанси ќе доминираат, а кои ќе ги гледаме поретко годинава.

Какви се прогнозите на модните експерти?

Впечатливи нијанси наместо бордо

Бордо бојата ја одбележа 2025-та, но годинава во фокус доаѓаат повпечатливи нијанси, како црвена, магента и темнозелена кои се подлабоки и побогати.

Овие нијанси привлекуваат внимание, но не се премногу дречливи и делуваат пријатно.

Топли кафеави нијанси наместо сива

Годинава ќе ја гледаме кафеавата во сита варијации – од чоколадни тонови, до светли нијанси.

Студената сива, од друга страна, постепено ја губи популарноста.

Пастелна розова наместо пудра розова

Пудра розовата нијанса делува суптилно, но не толку придушено како пастелната.

Во 2026-та популарен е свежиот, модерен изглед, па предност има пастелно розовата која носи повеќе топлина и светлина.

Портокалова наместо корално црвена

Иако корално црвената е позната по својата живост, годинава поголем хит ќе биде длабоката портокалова боја.

Модните експерти предвидуваат дека портокаловата ќе биде еден од најголемите трендови за 2026-та.

Сина наместо виолетова

Иако го имаше својот момент, виолетовите нијанси им го отстапуваат местото на сините.

Од нежни небесни тонови, до темни, интензивни нијанси, сината боја ќе биде сеприсутна годинава.

Спирова С. | Црнобело