6 трикови со кои полесно ќе ги „преживеете“ неудобните чевли

Бебешка пудра за чевлите да не ви испуштаат чуден звук од потење, апостолките замотајте ги со марама за да не ве повредуваат, користете силиконски штитници во сите форми - трикови кои се спас за неудобни чевли. 

Сите понекогаш сме се соочиле со некаква непријатност од носење чевли, независно дали тоа било рани од неудобност или непријатен мирис. 

Можеби веќе знаете голем дел трикови кои се користат, но никогаш не е доцна и да научите по некој нов, посебно за кога сте во ситуација во која немате многу избор.

Во продолжение неколку трикови кои ќе ви ги олеснат непријатностите со чевли:

Инвестирајте во наменски силиконски штитници со соодветна големина (зависно дали се за тесно ременче, за под стапало и сл.)

Ако апостолките ве повредуваат, замотајте ги ременчињата со марама

Ако чевлите испуштаат звуци кога движите, ставете бебешка пудра за внатрешноста да остане сува

Ако чевлите ви се преголеми и немате соодветна влошка, може да го замотате стапалото со тоалет хартија

Кога носите нови чевли кои може да ве стегаат и да ве разранат, намачкајте ги самите чевли (од страните, не на влошката) или надворешноста на стапалото (не долната страна) со вазелин или крема

Бонус: Ако чевлите имаат непријатен мирис, освежете ги со оставање преку ноќ хигиенски тампон натопен во есенцијално масло

М. М. | Црнобело