5 трикови со кои ќе изгледате стилски дури и кога е претопло (и се препотувате)

Кратки бициклистички под фустанот за да не ви се тријат бутовите, бебешка пудра на нозете за да не ви се лепи облеката и уште неколку трикови за да изгледате стилски во лето, а да спречите непријатности. 

Во најтоплите летни денови, понекогаш е вистински предизвик да се облечете и да изгледате средено, а во исто време и да ви биде удобно.

Потење и лизгање на нозете во сандали, но и во непријатни материјали, триење на бутовите во кратки фустанчиња и уште многу други проблеми им се познати на жените.

За среќа, постојат некои трикови, кои барем малку може да ви помогнат и да ја намалите непријатноста.

Погледнете дел од нив: 

Носете тесни бициклистички под фустан/здолниште за да не ви се трие кожата на бутовите

Ставете бебешка пудра на нозете за да не ви се лепи облеката и да не ви се поти кожата

Секогаш бирајте пошироки модели и природни материјали низ кои кожата ќе ви дише – памук, свила, лен, бамбус

Проѕирни силиконски влошки за да не ви се лизгаат стапалата во сандали (и да не се гледаат како најлонските чорапи)

Избегнувајте додатоци како ранци и големи парчиња накит кои создаваат непријатност, чешање, потење и оставање боја ако е неквалитетен

М. М. | Црнобело