Пастелна пролет

Во пролетните денови, разубавете го вашиот лик со пастелни бои кои совршено ќе ја нагласат вашата свежина и подготвеност за дочек на топлото време...

 

 

За оваа пролет 2009 главниот “лук” е суптилна женственост која лесно се постигнува со техниката на “smokey eyes”. Нежни настелни бои преовладуваат во скоро сите палети на шминки, а најважно место завземаат нијансите на виолетовото.

Дури и моливчето за очи се препорачува да е во оваа боја. Новата палета на бои не значи да целосно од корист треба да ги исфрлите сенките кои сте ги користеле цела зима, туку да ги искомбинирате со нежни пастелни тонови.

Ако користите седефасти сенки, занемарете ја техниката на “smokey eyes”, затоа што не сакате да изгледате како старлета од Лас Вегас, посебно ако се во прашање живи пролетни бои. Подобро употребете мат варијанти.

Разубавете се и бидете атрактивни со истакнување на трпките. Со повеќе слоеви маскара кои ке ги згусне и поткрене трпавиците, ќе биде доволно за женствен изглед. Веѓите остануваат природни и нежни, па не треба дополнително да ги истакнувате.

Лице

Што се однесува до шминката на лицето, нагласувајте ги усните или очите, а лицето останува што е можно поприродно. Премногу пудра едноставно не доаѓа во предвид, можеби само малку за покривање на недостатоците. Користете креми соодветни на вашиот тип на кожа, така што вашето лице ќе зрачи со сјај, свежина и здравје.

Усни
Бојата на усните и оваа сезона ќе игра важна улога. Нагласувањето е токму на усните, па затоа предност имаат јаките нијанси на црвената боја. Усните негувајте ги со многу балсам за усни, така што ќе бидат здрави и привлечни.

Не заборавајте, ако ги нагласувате усните, очите нека бидат дискретно нашминкани и обратно, ако очите ви се во прв план, тогаш на усните нанесете безбоен сјај.