Тренди комбинации со црн фустан, идеални за лето

Носете го со бела маичка, со каубојски чизми или со сандали со мала потпетица. Како да го комбинирате црниот фустан ова лето?

Црната е бојата на којашто ѝ се враќаме сите, без разлика на трендовите што доминираат.

Сепак, во потоплите месеци повеќето настојуваат да ја избегнуваат и ја заменуваат со посветли и пастелни нијанси.

Но, црната боја може да изгледа одлично и во лето.

Оваа сезона огромен хит се црните едноставни фустани направени од лесен материјал.

Кога се од лен, памук или свила, ѝ дозволуваат на кожата да дише, а се одлично освежување за летните аутфити.

Како да ги комбинирате црните фустани ова лето?

Со бела маичка

Еден од наједноставните начини да го искористите црниот фустан за лежерен аутфит е со бела маичка со кратки ракави.

Облечете ја маичката под фустанот, а дополнете ја комбинацијата со апостолки или рамни чевли, па и патики.

Мини црн фустан со каубојски чизми

Чизмите не се првиот избор за во лето, но кога не е многу жешко, можат да бидат одличен детаљ.

Оваа сезона особен популарни се каубојките кои, пак, изгледаат одлично со краток црн фустан.

Аутфитот со чизми е идеален за концерт на отворено или музички фестивал.

Црн фустан со ниски чевли

Ако не ви се допаѓа комбинацијата со бела маичка, црниот фустан секогаш изгледа добро и со едноставни рамни чевли, како сандали, па и влечки.

Во оваа комбинација можете да додадете повпечатлив накит или чанта со впечатлив дезен.

Црн фустан и сандали со мала потпетица

Сандалите со мала потпетица се меѓу фаворитите за ова лето, а изгледаат одлично во комбинација со црн фустан.

Оваа елегантна комбинација е идеална за вечерни излегувања.

Црн фустан со марама околу струкот

Марамата заврзана околу половината е вистински хит оваа сезона, а овој тренд изгледа добро и со црн фустан.

Дополнете ја комбинацијата со сандали или влечки и плетена торба.

Спирова С. | Црнобело