Живописна пролетна колекција на Burberry

За следната пролет дизајнерите на Burberry одбрале металик облека, пластични додатоци врз ткаенини со текстура и интересни чевли.

Трендот на мешање на силни бои продолжува и следната година. Големите детали остануваат моден погодок.

Здолништа со висок струк, тесни капути и блузи се новата мода за следната година, се со цел да се истакне силуетата. Единствени огромни парчиња кои беа истакнати на ревијата беа големите впечатливи јаки и широките ракави.

Деталите во колекцијата се претежно во светли и весели бои. Очила за сонце, јаки, пластичен накит и голем број на појаси се одбраните за 2013тата година.

Кога станува збор за обувките, шпицот повторно се враќа. Речиси секој модел има шпицест завршеток, без оглед дали се работи за класични чевли, отворени сандали или пак чевли со ремче.

Целосната слика за оваа ревија е опишана во два едноставни збора - елегантно и шик!