5 трикови за поголеми очи и изразен поглед

Имате ситни очи? Немојте да очајувате, бидејќи добро нанесената шминка чуда прави,а  со помош на мејкапот уморните и мали очи можете да ги претворите во големи и изразени.

Еве неколку едноставни трикови за „отворени“, сјајни и поголеми очи.

Завиткајте ги трепките

Наједноставниот трик е да ги свиткате трепките и задолжително да нанесете два слоја маскара. Прво нанесете маскара на горните трепки, а со остатокот од маскарата на четката, намачкајте ги и долните трепки.

Веѓи под конец

Средете ги веѓите, така што ќе го отстраните вишокот влакна, ќе ги пополните со молив или сенка за очи и ќе обликувате убав лак.

Нијанса на коректорот

Окото освежете го со коректор за подочници во боја на праска или со розова нијанса.

Бел молив

Белиот молив во вид на крем е задолжителен и треба да се нанесе на долниот раб на трепките, но и на внатрешниот раб од горниот и долниот капак.

Бојата на сенките

Сенките за очи нека се согласуваат со бојата на очите. На сини, сивкасти очи им прилегаат сиви, виолетови или црни нијанси на сенки. Кафените очи сакаат сини, кафени, беж и зелени нијанси, додека на зелени очи најдобро им прилегаат кафената, златната, бојата на праска и виолетовата боја.