Летна пунџа од плетенка рибина коска (фото)

Рибината коска е класична фризура која бара само малку вештина, но ако ја модифицирате со само неколку прамени, ќе добиете сосема поинаква пунџа која го одзема здивот.

За да ја направите оваа фризура подгответе една четка, чешел, ластиче за коса, ситни шноли, лак и вешти прсти.

Започнете со тоа што главата ќе ја наведнете нанапред, добро ќе ја расчешлате и започнете да ја плетете плетенката, но овој пат не од темето, туку од вратот.

Додавајте по малку коса од страните, сè додека не го опфатите целиот долен дел.

Делот коса кој ќе остане пуштен на врвот на главата добро исчешлајте го и направете француска пунџа. Доколку имате мека коса супер би било да ја тапирате косата за поголема издржливост на фризурата.

Врвовите на косата кои не можете да ги соберете, како и самата пунџа прицврстете ги со мали црни шноли.

Од оваа фризура постојат голем број на модификации, бидејќи имате потполна слобода во тоа што ќе направите со горниот дел на косата - пунџа, репче, уште една плетенка или пак едноставно потфаќање со шноли.

Идеална фризура со која ќе изгледате уредно, а ќе се спасите од летните жештини.