Пудрата заменете ја со пилинг од грејпфрут

Грејпфрутот е надалеку познат како сојузник во борбата против вишокот килограми, но има огромни позитивни страни и во светот на убавината.

Лимонската киселина која се наоѓа во ова цитрусно овошје ги отстранува мртвите клетки од кожата и го подобрува и изедначува тенот. Грејпфрутот содржи и хидроксилна киселина која површински ја затегнува кожата, односно ја намалува видливоста на борите.

Ако веќе сте изморени од секојдневното прекривање и коригирање на тенот со течна или камена пудра, овој пилинг е идеално решение за свеж и природен изглед.

Потребно ви е:

• 1 шолја кафеав шеќер
• ¼ шолја маслиново масло
• 2 лажици свеж сок од грејпфрут
  
  

Сите состојки промешајте ги во шолја или подлабока чинија, а потоа смесата нанесете ја на лицето со нежни кружни движења.

Задржете го пилингот на лицето нешто помалку од 5 минути, а потоа исплакнете со млака вода.

Ако имате чувствителна кожа, претходно испробајте ја смесата на помала површина од кожата и задолжително нанесете хидратантна крема по третманот.