Најновите колекции на Fashion Group на Модниот Викенд во Скопје

Денес, 22 октомври, започнува Модниот Викенд есен/зима 2013-2014. Оваа сезона заедно со македонските дизајнери учествуваат и неколку комерцијални, светски познати брендови.

Така вечерва со почеток во 21:30 во Катната гаража “Св. Кирил и Методиј” ќе биде презентирана машката колекција есен/зима 2013-2014 на брендот Diesel.

Колекцијата на Diesel за оваа сезона се одликува со рафиниран стил, софистициран и класичен изглед, кој во себе ја носи рокерската нишка на брендот. Формалното и секојдневното балансираат, притоа не занемарувајќи ја андерграунд суштината на Diesel.

Црната и сивата боја се носечки, дополнети со јаки зимски бои, како петролеј, виолетова или пак темно црвена кај плетените парчиња и панталоните. Како и секоја сезона џинсот во сите нијанси и модели е доминанто парче облека во комбинација со сакоа, џемпери и кошули со впечатлив принт.

Утревечер пак, на истата локација во 21:30 ќе се одржи мешана ревија на повеќе брендови Fashion Group како што се Fashion&Friends со колекциите на Guess и Guess by Marciano, Replay, Scotch&Soda, Maison Scotch и Desigual. Сите овие се атрактивни, урбани брендови за оние кои ги следат модните трендови, но имаат желба за уникатност.

По оваа ревија ќе следат лежерните колекции на брендовите Celio* и Springfield, а вечерта ќе заврши со секогаш елегантните модели на Bitsiani. Сите брендови се направени во комбинација со чевли од BATA.