Направете сами: Новогодишни фризури за брановидна коса

Брановидната коса може да ја направите со помош на шноли и чорапи кои служат наместо крпчиња и е одлична, а свечена фризура која не бара многу труд и не ја оштетува косата како пеглата и фигарото.

Пред да ги направите локните добро е косата да ви е измиена и влажна. За поиздржливи бранови на косата испрскајте спреј за виткање или распоредете ја пената по целата должина на косата.

Локните поубаво ќе изгледаат на подолга коса, но може да ги направите и ако косата ви е барем до рамена.

Расчешлајте ја косата и поделете ја на неколку делови. Прамените со дебелина на прст треба да ги намотате околу прстот и така замотани да ги прицврстите со шнола на темето.

Ако имате долга коса и сакате поголеми локни, може да ги замотате на памучни крпчиња или чорапи и да ги заврзете. За подолго да ви траат локните, замотаните прамени треба да ви стојат врзани барем 8 часа. Најдобро е да ги направите пред спиење.

Откако ќе ги извадите шнолите, прамените може да ги одмотате со помош на рацете или со четка за коса, ако сакате да бидат помеки и косата да ви биде побујна. Прицврстете ги со лак за коса.

Брановидната коса може да ја обликувате во 3 едноставни и ефектни фризури. Најпрво префрлете ја косата на една страна и замотајте го едниот дел околу другиот и прицврстете го со ластиче кое може да го украсите и со некоја панделка.

Од брановидната коса може да направите и разбушавена пунџа со шноли или да направите две плетенки како венче околу косата. Изгледаат едноставно, а сепак доволно свечено.

Погледнете го видеото за полесно да ги направите