Што треба да знаете кога одбирате парфем

„Жената која не носи парфем, нема иднина“ е позната изјава на фамозната Коко Шанел, која е актуелна со децении. Но, како да го изберете вистинскиот во илјадниците понудени?

Овие 5 работи е добро да ги знаете за да можете да го изберете совршениот парфем за секоја прилика:

1. Еден од најважните совети гласи: Никогаш не купувајте парфем пред да го испробате! Повеќето парфеми би требало да имаат тестери, па не би било проблем да ги пробате. Прснете на облеката и видете дали мирисот ќе се задржи во наредните неколку дена, за да не потрошите цело богатство ако мирисот не ви одговара според сите желби.

2. Сè што има секси призвук и опис треба да го зачувате за ноќните излегувања. Но, таквите мириси може да ги носите и во мало шишенце во чантата. Така лесно ќе преминувате од работна во опуштена атмосфера со менување на мирисот.

3. Мирисите се губат по неколку часа носење, а вие сакате да ви траат цела ноќ. Затоа играјте само на една карта – покрај омилениот парфем имајте и подготвен дезодоранс за тело со слични мирисни ноти како парфемот кој го користите. Покрај тоа на зглобовите на рацете ставете неколку капки од некое етерично масло.

4. Оние кои сакат слатки цветни мириси нека бараат парфеми со нота на ванила и карамела кои не се премногу нападни. Тие се идеални за често освежување во текот на денот.

5. Понекогаш е потребно да посегнете по универзален мирис, оној кој ги опфаќа двата пола, кој се носи со одела и машки и женски. Тие често се опишуваат како ориентални и најчесто се долготрајни.