За 12 минути до беспрекорна шминка

Да можат, сите девојки би поминувале по 2 часа пред огледалото. Но, затоа што пред секое излегување немате на располагање по неколку часа за дотерување, вреди да пробате во само неколку чекори да го доведете својот изглед до совршенство.

Кога имате само 10-15 минути на располагање, еве што треба да направите:

1. Започнете со вашиот секојдневен крем за лице, по можност со заштитен фактор.

2. Нанесете лесна течна пудра. Таа треба да се изедначува со вашиот тен или да биде една нијанса посветла, во никој случај потемна.

3. Коректор не нанесувајте, освен ако имате мозолче кое сакате да го прикриете.

4. Нанесете светла сенка на очните капаци за свеж изглед или светло кафена која ќе го сокрие вашиот замор и ненаспаност. Со сенката го спречувате креонот да се размачка по неколку часа.

5. Исцртајте ги совршените мачкини очи со црно моливче. Повторете ги линиите по 1 минута со туш за очи, за да добиете повпечатлив ефект.

6. Во внатрешниот долен дел, нанесете бел креон кој ќе ги истакне вашите очи.

7. Нанесете ја вашата омилена црна маскара. Иако маскарите во боја се во тренд  овој период, сепак црно си е црно.

8. Пополнете ги вашите веѓи со моливче за веѓи, доколку има потреба. Нијансата нека биде слична на природната боја на влакното, никако потемна, ќе оставите вештачки впечаток.

9. Преминете на образите. Ставете руменило во познатата бакнеж поза, за да го нанесете рамномерно и правилно. Одлучете се за руменило со боја на праска, која ќе ви даде блескав изглед во природна боја.

10. За крај, усните. Нанесете моливче за усни во светло розова боја. Пред  да ставите кармин, истапкајте ја  устата со сунѓерчето од камената пудра. Така тој ќе трае подолго.

На вас останува дали ќе се одлучите за розов мат кармин, кој одлично ќе се вклопи со моливчето или обичен, безбоен сјај. И двете ќе  дадат нежен, секси одраз на вашето лице во огледалото.

Вреди да испробате!