Момци, еве како правилно да носите сако и фармерки

Изминативе неколку години, сакото во комбинација со пар фармерки е дефиниција за лежерна елеганција и вечна класика, но ретко кој маж знае правилно да носи овој тренд.

За да не направите модна грешка сакајќи да изгледате префинето, еве како да ги искомбинирате овие две парчиња облека.

Какво сако да одберете?

- Би требало да ги избегнувате моделите со потпунки. Премногу се формални и резервирани за деловни состаноци.

- Во комбинација со фармерки, прифатливи се само сакоата со едно или две копчиња. Сакоата со два реда копчиња се премногу формални за секојдневниот џинс, додека сакоата со три копчиња најдобро изгледаат кога се откопчани.

- Сакото мора да биде добро скроено и струкирано. Струкот би требало да биде воочлив, но не премногу нагласен.

- Избегнувајте сакоа кои се направени од волна, твид или материјал со сјај. Бирајте едноставни материјали или сакоа со минимална текстура.

Какви фармерки да одберете?

- Не е исто да бирате фармерки за секој ден и фармерки кои ќе ги носите со сако. Обрнете внимание на кројот и моделот. Фармерките не би требало да „висат,“ туку да бидат потесни околу струкот и колковите.

- Фармерките не смее да имаат странични џебови. Не смеат да бидат во класична боја, односно да бидат светол тексас. Рабовите во контрастна боја се добра карактеристика, како и декоративните рабови.

- Едно од клучните правила гласи: фармерките не смее да бидат во иста боја како сакото, туку посветли или потемни од него. Контрастот мора да биде воочлив.

- Имајте на ум дека темните фармерки даваат формален изглед, додека светлите, па дури и бели фармерки се идеална комбинација за полежерна прилика.