Трик: Како да ги раширите претесните фармерки?

Признајте, на сите ни се случило да додадеме некој килограм плус кој е пресуден за да не можеме да си ги закопчаме омилените фармерки.

Наместо да го одложувате нивното носење за „кога ќе ослабете“ послужете се со еден трик кој ќе ги рашири за 1 број.

1 чекор: Фармерките мора да бидат влажни за експериментот да успее. Земете шише со распрскувач, наполнете го со вода и напрскајте ги деловите каде фармерките ве стегаат. Доколку можете да се вовлечете во нив без закопчувања, направете го тоа, па потоа пропрскајте ги.

2 чекор: Во следниот половина час ќе мора да шетате и да се растегнувате колку повеќе можете. Носете ги фармерките влажни барем половина час и правете големи чекори и седете во позиции кои ќе го растегнат џинсот.

3 чекор: По половина час соблечете ги и оставете ги да се исушат на воздух, па целата постапка повторете ја уште еднаш.

Сега би требало да дишете многу полесно во нив.

Испробајте и споделете дали успеавте.