Дали кожниот тренд и работното место се согласуваат?

Кожата е незаменлив дел од твојот на облекување и сакаш да ја носиш дури и на работа?

Еве неколку начини како можеш твојата желба да ја спроведеш на дело.

Тргнувајќи од изминатата година кога кожата во полна сила се врати на својот пиедестал, остана со ново руво да ги креира женската моќ и статус. Но, вистинското прашање е: може овој моден класик да се носи и на работа?

Кожата знае многу бргу да премине од модна изјава и класик во класична катастрофа. Односно, од идејата да бидете модерни, да го добиете изгледот на младата тинејџерка Сенди од филмот Grease. И додека за некои компании кожните детали се прилично драматичен изглед кој заслужува едно големо не, за други знае да биде одраз на вашата индивидуалност.

Основниот совет е: внимавајте како и колкав дел од вашата облека ќе има кожни примеси. Тргнете се по настрана од се што е претесно или прекратко.

И еве уште неколку корисни совети:

Мешајте ги материјалитe

Кожата вметнете ја во вашиот изглед во мали детали. Можете да носите класична кошула со полу кожни ракави или пак, класичната работна суќна може да има на себе кожни џебови.

Одлучете се за примеси

Овдека секако дека не станува збор за тоа да се појавите на работното место како жената мачка од Бетмен. Одлучете се за еден дел од вашата облека било дали станува збор за вашата суќна, јакна или обувки.

Кожата нека се најде во вашите аксесоари

Ако вашата компанија не е слободна во поглед на тоа колку кожата ја одразува вашата професионалност; тогаш истата може да се најде на вашата чанта, ѓердан или каиш.