5 тексас парчиња кои треба да бидат дел од вашиот гардеробер

Веројатно сте неизмерно вљубени во вашиот џинс и обожувате да го носите во речиси секоја можна прилика. Сепак можете обичните фармерки да ги замените со неколку различни стилови на тексас кои ќе го освежат вашиот изглед.

Пролетните трендови велат дека има точно 5 различни парчиња облека кои како идеи можете да ги искористите на милион начини ако ги имате во вашиот гардеробер.

1. Бел џинс

Модните дизајнери оваа пролет се одлучија токму за овој стил на фармерки. Без оглед на тоа дали сакате да бидат „цевка“ или широки, можете слободно да ја одберете белата боја и оваа пролет уживајте во вашиот нов изглед. Доколку се одлучите за првиот вид, погрижете се истите да бидат малку подолги позади се со цел да бидете сигурни дека се ќе биде покриено.

Идеја плус: можете да ги подвратите и искомбинирате со кошула. Друга комбинација се подискинатите бели пантолони со кожна или црна широка маичка.

2. Тексас фустан

Покрај белиот џинс, оваа година е озчначена и со различните комбинации на тексас фустани. Можете да се одлучите за тексас со чудни пресеци и во поп арт стил. Секако тука е секогаш и едноставниот краток фустан со кој можете да станете модна икона доколку го искомбинирате со добар аксесоар и обувки. Носете го со големи ланци, крупни шарени ланчиња или нараквици. Тајната на добриот изглед може да биде и во комбинацијата со стилето штикли. Менувајте и бои. Темниот подебел тексас е одличен за поладните денови, додека пак светлиот лесен џинс за жешките попладневни часови.

3. Ѕвонести панталони

Да токму така, 70-те се повторно назад и време е повторно да се вратите на старите добри ѕвонести панталони. Можете слободно да се одлучите за широка памучна маичка и да ја вметнете под пантолоните. Исто така можете да ги носите и со тесна бела маичка целосно вметната под пантолоните.

4. Широк или искинат џинс

Овој изглед од улиците на Лос Анџелес премина на модните ревии но сеуште знае да направи да изгледате неуредно доколку не го комбинирате правилно. Предлог број еден, подвиткајте ги малку. Потоа секако можете да ги комбинирате со сако. Класа погоре можете да ги одведете и доколку со нив облечете бела кошула и кожа без разлика на тоа дали се наоѓа на вашата чанта или пролетен капут. Внимавајте, со овој изглед обилното накитување никогаш нема да ви прилега. Впрочем новите бохо алки не ви се воопшто потребни. Овој џинс е аксесоар сам по себе.

5. Подвртен џинс

Тука нема што многу да се спомнува. Шитоките пантолони можете секогаш да ги подвратите, но внимавајте како и колку. Концентрирајте се на мали навртоци и должината треба да биде некаде помеѓу капри изгледот и оној изглед каде се чини дека сте ги скратиле при перење.