3 начини како нозете да ви изгледаат подолги и во рамни чевли

Веќе второ лето по ред дизајнерите предлагаат рамни обувки наместо штикли на платформа. Тоа е супер од аспект на удобност, но не е во прилог на жените и девојките со пократки нозе.

Сепак, постојат трикови со кои можете да изгледате повисоки и во рамни чевли.

1. Кога одбирате плитки пролетни чизми и чевли треба да внимавате нивната висина да не го преминува глуждот. Ова се однесува и на римјанките со парчиња материјал и многу ремчиња.

2. Дел откриена кожа е новиот визуелен трик клучен за менекенски, бесконечни нозе. Со балетанките или популарните оксфортки носете подвратени фармерки над глуждот.

3. Сличната нијанса на балетанки и панталони секако ќе ви подари неколку сантиметри. Рамните чевли во боја на кожа или карамела и ист таков пар фармерки се секогаш добар спој.