Направи сама: Маичка со риги

Летото се ближи и време е да ја обновиме летната гардероба. За таа цел не ви се потребни многу пари ниту пак, долгочасовни шетања по продавниците за облека.

Се што ви е потребно е една обична маичка во бела боја и малку одвоено слободно време за маичката да ја претворите во интересно дневно парче облека кое можете да го комбинирате со фармерките, шорцевите и здолништата.

Што ви е потребно:

• Обична бела памучна маица
• Спреј во боја по желба
• Самолеплива трака
• Поголемо парче картон

Маицата навлечете ја на картонот. На овој начин ќе се погрижите бојата да не пробие на другата страна од маицата и ќе ви се олесни работата при лепењето на траката.

Со помош на самолепливата трака долниот дел од маицата поделете ја на лини. Помеѓу секоја трака оставете простор од 2,5 cm и целата маица залепете ја на картонот за ништо да не се измести.

Со кратки и брзи потези испрскајте се што е залепено со траката. Спрејот држете го на далечина од 30-тина cm од маицата за ригите да добијат еднаква боја.

Почекајте околу 30 минути и потоа започнете со одлепување на самолепливата трака.

Сега можете да уживате во новиот изглед на вашата бела памучна маичка која ќе биде ваш уникатен дел од гардеробата. Не е важно за која боја ќе се одлучите секоја ќе изгледа одлично. Имајте на ум дека неонските бои повторно се во мода.