Kапи и елегантни шешири

Главните зимски додатоци без кои не би можеле да ги замислиме ладните денови се секако шеширите и капите. Шеширите се најчест моден...

 

... додаток бидејќи целото внимание се насочува кон лицето.

Токму затоа не смееме да ја заборавиме шминката на лицето, како и соодветни додатоци како што се на пример обетките. Доколку сакате да носите шешири, тогаш ви препорачуваме да ги носите оние шешири во стилот на 40-те години.

Таквите модели одговараат за секој облик на лице. Темните бои може да ги носите навечер, а светлите нијанси во иста боја со капутот може да ги практикувате преку ден како дневна варијанта.

За капите, кои почесто се употребуваат од шеширите, најпопуларни се оние со француски крој кој им прилега на поголемиот број на жени. Ако обликот на вашата глава е округол, избегнувајте да носите дебели капи зошто дополнително би можеле да ве прошират.

Доколку пак имате кратка коса, тогаш носете капа под која ќе може да ви се гледаат шишките. И капите и шеширите можете да ги комбинирате со ракавици и шал.

Секако на крајот немојте да заборавите на бон-тонот според кој жените во затворени простории не мораат да ги симнуваат своите капи и ракавици.