Боја на 2010 година - тиркиз

Компанијата "Pantone", која произведува бои и е главен снабдувач на модната и декоративната индустрија, ја прогласи тикризната боја за...

 

...официјална боја за 2010 година, со што и многубројни актуелни модни креатори се согласија.

"Тиркизната боја има универзална привлечност. Погледнете предмет кој има таква боја и ќе се почувствувате како да сте на одмор", изјави Jane Schoenborn од "Lili Pulicer". Тиркизната боја претставува ексапизам, односно чувство на свежина и на нов почеток оваа година.

Бидејќи се наоѓа на границата помеѓу сината и зелената, истовремено делува смирено (како сината боја) и активно, здраво (како зелената боја). Оваа боја одлично се вклопува во секоја сезона, бидејќи во зимскиот период ги освежува темните комбинации, а на пролет и лето ги надополнува белите и светлите дневни комбинации.

Tommy Hilfiger се сложува со фактот дека тиркизната боја дефинитивно е боја на сезоната која следи, и веќе ја вметна во својата наредна колекција.

"Жените во мојот живот носат тиркизен накит на одмор, на море и изгледаат фантастично", изјави Hilfiger, кој исто така надополнува дека оваа боја повеќе важи за понежниот пол, а на мажите им советува темни нијанси.

Тиркизната боја е добар избор и кога станува збор за украсните детали во вашиот дом, бидејќи лесно се комбинира. Инаку, компанијата "Pantone" за 2009-та ја избра жолтата боја на мимоза.