Како изгледа животот кога цела недела носите свечен фустан за на црвен тепих?

Како за забава така и за мал социјален експеримент, Кени Тапонг, уредникот на Marie Claire им предложил на своите новинари цела една недела да носат свечен фустан за на црвен тепих.

„Зошто некој од вас да не проба да носи свечен фустан цела една недела? Ќе биде забавно! Тоа беа неговите зборови и бидејќи веќе еднаш се облекував како Марк Закерберг, си реков, зошто да не го пробам и ова?“ – така ја започнува приказната Челси Пенг.

Целиот тим се одлучил за фустан од Christian Siriano, бидејќи повеќето од славните личности веќе ги носеле неговите креации (како Ријана, Соланж и Коко Роша), а и затоа што неговите фустани се поим за гламур и софистицираност.

Пенг се одлучила за свечен зелен фустан со А крој кој инстантно ја трансформирал во „Некоја важна личност која оди на некоја гламурозна забава или на својата веридба“ – како што самата таа го дефинирала своето искуство од овој експеримент.

Што забележала?

1. Во метроата ѝ нуделе седиште иако не е ниту постара, ниту бремена

2. Повеќето луѓе ја гледале со чудење – речиси зјапале

3. Некои ја сликале

4. Ја споредувале со сирена

5. Често ѝ викале „честитки“

„Никогаш претходно не бев сигурна, иако претпоставував, но облеката навистина има голема моќ“ – заклучува Пенг.

• 
• 
• 
• 
• 
• 
•