Шалче околу врат

Шал завиткан околу вратот или префрлен преку главата, оваа зима се носи во комбинација со апсолутно секаква облека. Одлично прилега во...

 

...комбинација со јакна или капут, но овој пат се комбинира и со вечерни фустани.

Еден од најомилените зимски реквизити, модни додатоци кои секоја модно свесна жена, ќе сака да го употреби и оваа сезона секако е шалот.

Но, оваа сезона освен класичните шалови кои на најразлични начини се завиткуваат околу вратот, се носат и таканаречените цевка-шалови.

Ваквиот шал може да се носи на неколку различни начини. Може да се навлече и да се остави слободно да паѓа околу вратот, но може да се носи и префрлен преку главата така што истовремено ќе ги заштити и ушите и вратот.

Овој функционален моден додаток може да се навлече и над челото или да се завитка преку врвот на главата.

Burberry Prorsum и Fendi колекцијата на цевка-шалови пак се толку многу елегантни што може да се носат и во комбинација со вечерни фустани.

Тие не се изработени од тешки материјали како волна, туку од сатен или свила, каде за гламурозниот изглед најмногу ќе допринесе црвената боја.

Секако во пригоди во кои тоа се очекува, задолжително симнете ги од глава и поиграјте си со нивните набори околу вратот.