11 трикови кои ќе ви ја направат зимската облека како нова

Ниските температури значат повеќе облека на нас, а со тоа и поголема шанса да се појави некој проблем со фармерките, џемперот, чизмите, палтото...

Наместо да се жалите како сè ви изгледа износено по само една сезона, пробајте некој од овие 11 трикови:

1. Испрскајте ги хулахопките со лак за коса неколку часа пред да ги облечете. Лакот за коса ќе го зацврсти материјалот и ќе ги намали шансите за нивно лесно кинење.

2. За да им го продолжите рокот на траење, исто така можете да ги исплакнете со ладна вода и да ги замрзнете во пластична кеса преку ноќ. Следниот ден извадете ги, оставете ги на собна температура и облечете ги.

3. Отстранете ги топчињата од џемперите со камен турпија. Сепак, бидете внимателни и нежни ако се работи за деликатна плетка.

4. Користете сунѓерче за шминка за да ги отстраните влакната од црната блуза.

5. Џемперот кој ви предизвикува чешање направете го помек со малку оцет и регенератор за коса. Потопете го во мешавина од ладна вода и неколку лажици оцет околу 15 минути. Потоа нежно втријте малку регенератор за коса и оставете го да отстои половина час. Исплакнете и оставете да се исуши.

6. Како да ги закачите џемперите без да ви се познаваат линии од диплењето:

7. Не ги диплете кожните хеланки. Наместо тоа, закачете ги на закачалка за да го избегнете лупењето на местата каде биле превиткани.

8. Измазнете го антилопот со стара четка за заби. Така сите палта, чанти и чизми ќе изгледаат како нови.

9. За да ги отстраните нечистотиите од чизмите од превртена кожа, искршете парче стар леб и истријте ги со него. Можно е да останат трошки кои со рака ќе треба да ги исчистите, но барем нечистотиите ќе исчезнат.

10. Не ги ставајте кожните чизми да се сушат со грејно тело, затоа што кожата може да распука од температурните разлики. Наместо тоа, ставете ги на место каде што има постојан провев.

11. Ако чизмите имаат бели траги од солта по улиците кога има снег, на крајот од денот пребришете ги со малку оцет промешан во вода.

М. Д. | Црнобело